Pinocchio

Ouderdom 2-3 jariges: 'n Klas met 'n ontspanne, vriendelike atmosfeer in 'n veilige omgewing. Die klas spog met sy eie opwindende tog veilige speelgrond.

In die Pinocchio-klas glo ons dat 'n kind baie liefde, persoonlike aandag en ondersteuning nodig het om positief te kan ontwikkel. In die klassie bemagtig ons die kleuters om te ontwikkel tot hul volle potensiaal. Hier word aan al ons kleuters die geleentheid gegee om basiese lewensvaardighede te bekom bv:

Positiewe selfbeeld

Kommunikasie vaardighede

Emosionele en sosiale vaardighede

Intellektuele probleemoplossing vaardighede

Kreatiewe vaardighede bv. boks-konstruksie, verf, collage, teken ens.

Groot motoriese vaardighede bv. bewegingsspele (posisie in die ruimte) ens.

Klein motoriese vaardighede bv. knip, ryg, pennetjieborde ens.

Perseptuele vaardighede bv. tas, proe, sien, reuk en gehoor

Wiskundige vaardighede bv. tel, vorms en kleure

Fantasie-spele.

Die Pinocchio-klas het ervare personeel nl:

'n Oggend onderwyseres met 15 jaar ondervinding met peuters en kleuters, wat haar kursusse voltooi het by VVOS.

'n Middag tannie, propvol liefde, met 8 jaar ondervinding by peuters en kleuters.

'n Klas-assistent met ondervinding van 9 jaar met peuters en kleuters.

Deurentydse evaluering word gedoen en twee maal per jaar word 'n volledige skriftelike verslag aan die ouers gegee.

Bykomende gespesialiseerde dienste:

'n Gekwalifiseerde fisioterapeut kan op versoek weekliks 'n kleuter besoek wat fisioterapie benodig.

'n Gekwalifiseerde arbeidsterapeut kan ook op versoek weekliks 'n peuter besoek wat arbeidsterapie benodig.

Voeding: Die kleuters word voorsien van ontbyt (stiptelik 8:00), toebroodjies en koeldrank (10:00), gebalanseerde middagete (12:00), toebroodjies en koeldrank (14:00) en weer toebroodjies indien die kleuters nog teen 16:00 by die skool is.